Госпоѓа Ниарм - Дамноен Садук (Floating Market), Бангкок - Единствената жена која никогаш го нема напуштено своето село, а сега во истата куќа во која е родена ја чека и својата смрт. Ниарм е моментално болна од неизлечива болест, но во разговорот не разбрав за која болест точно станува збор. Лицето и беше со жолта боја па можев само на нагаѓам од што боледува.
Ниарм ја најдов во нејзината куќа/продавница која се наоѓа на десниот крај од маркетот. Селото е толку комерцијализирано во последниве години што комплетно ја има изгубено автентичноста и моментално е обична туристичка замка и не ви препорачувам да го посетите ако имате намера за тоа.
Зошто не ме интересираат сувенири и маици, се шуткав низ куќарките со камерата да најдам нешто автентично за да фотографирам, кога дојдов до крајот Ниарм почна да мавта и да се смее, ме фати за рака, ме седна до неа и почна да врти муабети со мене како да разбирам се на тајландски, али ок, климав со главата цело време. Стана и ми донесе да јадам една чорба, мислам дека беше од пиле, али само мислам, толку беше љута што солзи ми течеаа а таа се кинше од смеење, потоа ме почести со еден добар Тај чај кој беше врв. Јас како добар турист, како благодарност и купив неколку сувенири, а за тоа добив и позирање од неа, ова беше прв пат јас да прекинам со фоткање, обично на моделот му здосадува па бега, Ниарм мислам дека можеше до седи уште саат време и да позира.
Историјата за Ниарм ми ја раскажа една нејзина комшика, за тоа како цело семејство ја напуштило и отишле во Бангкок и сега е оставена сама на себе, но толку е пријатна што секој и помага, соселаните но и туристите како мене.
Ниарм ќе има свој дел во видеото што е моментално на монтажа, каде што пробува да каже дека ја сака Македонија. (Ќе имаше за малце да не го имав по грешка избришано, overwrite, направено на материјалот)
No comments:
Post a Comment