The H'Mong People - Народот Х'Монг од Са Па, Виетнам

Малцинство во Виетнам од неколку милиони. Народот кои потекнува од северен Лаос и Јужна Кина моментално е главна атракција за планинарите кои ја посетуваат областа Са Па во северен Виетнам. Планинска област која зрачи со убавина креирана од оризовите полиња и шарените традиционални носии на жените Х'Mонг.

(ENG) Minority in Vietnam of few millions. The people are originally from Laos and South China but now most of them live in Vietnam. The H'Mong are currently the main attraction when trekking in Sa Pa, Northern Vietnam.

Мајка со својот син низ уличките на селото Кат Кат

Сатарите се секојдневна играчка за малите момчиња од Са Па

Девојче собира полноглавци за вечерната традиционална чорба

ХМонг девојче

ХМонг невеста

Среќно лице после продажба на рачно изработена алка

Нарушена интима - Проект

Никогаш не сум документирал моменти од нечиј живот на овој начин, фотографирање на интиматата на луѓето и фотографирање на нивната комфортна зона е нов и премногу возбудлив проект кој според реакциите на социјалните мрежи и фото форуми е многу добро прифатен.

"Нарушена интима" ќе биде проект кој ќе остане отворен и ќе го сочинуваат фотографии кои може да бидат дел и од други проекти.

Низ уличките на стариот дел од градот Хои Ан, Виетнам

Минуваш низ тесни улички и куќарки стари по 100-150 години, од отворените прозорци и врати се гледа секојдневниот живот на виетнамиците кои речиси и не ве приметуваат, различни приказни се наоѓаат на секој чекор, од прослави во чест на мртвите до бизнис зделки и коцкање. Една камера и желба за лутање е се што е потребно.

Фамилијарен бизнис - Првата фотографија од овој проект

 Во тесна уличка во стариот град на Хои Ан се наоѓа домот на господинот Вон кој својота тераса ја има претворено во ресторан. Домашната кујна е и кујна за гостите, исто така и тоалетот кој го користи 13 членото семејство на Вон. Откако завршив со вечерата се завртев да ја побарам сметката кога го видов Вон во својта канцеларија, случајно ја зедов камерата и успеав да го документирам моментот пред да бидам приметен. Во хотелот кога ги прегледував фотографиите застанав на оваа сцена и си го враќав филмот како безобразно и без прашање фотографирав некого во својот дом, кога нарушив нечиј приватен момент и ја добив инспирацијата за овој проект и неговиот наслов.

Господинот Вон во својата домашна канцеларија

Виетнамска фамилија го одбележува денот на смртта на еден член од семејството

"Годишнина од смрт" е голем ден и празник на една фамилија, на тој ден сите жени од семејството припремаат слатки и ги послужуваат сите членови. Овој празник е само за најблиските членови нафамилијата но виетнамците за разлика од другите земји кои го слават, како Јапонија, Кина, Кореа, Индија, Бангладеш и Непал, ги покануваат и своите пријатели да бидат присутни на овој свет ден. Празникот се слави и во други држави каде што има фамилии од овие држави.

Прослава на годишнина од смрт во Виетнам

Живот на улица - Проект

За мене најтежок проект. Не е лесно да фотографираш луѓе кои што не сакаат да бидат фотографирани, односно сакаат 5$ за тоа, или ти требаат многу долари или треба да бидеш фото-нинџа-граф и да бидеш неприметлив со камерата.

Но сепак, тоа е тоа што го прави проектот повреден и повозбудлив.

Ова е проект кој се надевам дека никогаш нема да го завршам, дека постојано ќе го надополнувам со фотографии од моите патувања, во него ќе се најдат објавени и необјавени фотографии, некои од нив се веќе во сопственост на новински агенции и други медиуми.

Низ улиците на Катманду, Непал

Граѓани на Катманду се грееат на уличниот оган

Низ улиците на Ханои

Стотици улични месари и рибарници низ старио дел на Ханои. Неколку години наназад овие граѓани на главниот град на Виетнам имале свои тезги на маалскиот пазар, но со новиот проект за трговски центар пазарот бил уништен и трговците без своето работно место. Нивната работа не застанала, нивните тезги се сега испред нивните домови, а некогаш мирниот кварт сега е претворен во најголемиот уличен пазар во Виетнам.

Улична вегетаријанска "тезга"

Жена го чува своето место до уличното огниште кое секоја вечер е заобиколено од неколку граѓани кои немаат куќно греење.

Ручек пауза на жените од уличниот пазар во Ханои

Рибар заедно со својата фамилија го продава свежиот улов пред неговиот дом во стариот дел на Ханои

Баба со својата внука испред својот дом-маркет за месо

На скалите на Лонг Сон

Лонг Сон е будистички храм (пагода) во туристичкиот град На Транг во северниот дел на Јужен Виетнам.

Жена ги користи скалите кои водат до големиот бел Буда над храмот Лонг Сон во На Транг како идеално место да "заработи" некој донг од многуте туристи кои секојдневно ги искачуваат. Овие бездомници своите ноќи ги поминуваат во дворот на храмот одмарајки ја својата душа на некој од многуте хамоци закачени за дрвјата.

Локалниот пазар во Кеп, Камбоџа

Пазарот Кеп е место каде што тезгите за зеленчук и овошје во ноќта се домови на продавачите. Многумина од земјоделците се од различни краеви на земјата дојдени да ја продадат својата стока на трговците кои се на пат кон Виетнам, тие буквално се преселни на големиот пазар со својте семејства додека целата донесена стока не биде продадена.

Ќерка на трговец го користи мирното попладне за својата дневна сиеста. Нејзино катче е монтажната кујна во средина на пазарот.

Продолжува...

Народот Кохо

Маркирано! Можам да кажам дека тотално ја истражив провинцијата Лам Донг и Виетнамските централни висорамнини. Прекрасни зелени пејсажи, кафе плантажи и водопади се убавините на оваа провинција, но тука има нешто друго што го привлече мојот авантуристички дух, Лам Донг е провинција која е дом на етничкиот народ КоХо. 

Народот КоХо е малцинство (166.112 популација) во Виетнам кое се занимава претежно со земјоделство во околината на градот Да Лат, престолнина на Лам Донг провинцијата. КоХо сеуште ги немаат прифатено благодетите на денешницата и скоро секој алат што го користат е рачно изработен од дрво. Селата ги именуваат по домашните животни, денеска го посетив селото на кокошките и на свињите. Гласот на жената е оној кој се слуша во една фамилија, најстарата жена во една фамилија е таа која ги донесува главните одлуки и раководи со буџетот за кој сите способни во семејството придонесуваат. 

На фотографијата подоле ви ја преставувам Ки Јане, мајка на 11 деца и баба на 32. Ки Јане е таа која ги забранува благодетите на новиот век, додека таа е жива нејзините синови, ќерки и внуци нема да користат мобилни телефони, компијутери и нема да пробаат сладолед.

 

Школки и Лица

Реков дека ќе почнам да ги споделувам моите фото авантури и на македонски па еве сум си стојам на зборот. 

Моментално сум во комбе од времето на Хо Чи Мин на пат кон Да Лат, градче на 1500мнв во јужен Виетнам и сум заобиколен од магична природа. Од банани, палми, листопадни дрвја па до борчиња и елки, се на едно место, штета што се гужвам со локалците и неможам да скокам од прозор на прозор со камерата. 

Доста беше од руското Муи Не и топлото крајбрежје. Стотина празни ресорти, изгорени руски туристи, (си се шетам низ Виетнам и си читам кирилица), водка, песочни плажи, ефтина храна, а после све ова таму е и малото рибарско селце со најголем број на бродчиња во цел јужен Виетнам.

Стотици "кади", така ги нарекувам виетнамските округли бродчиња, дрвени бродови, мрежи полни со риби и морски змии, кофи полни со школки, сипи и краби, сето ова во еден залив голем колку скопскиот плоштад. На обалата се слуша песната и смеата на жените и ќерките на рибарите кои го чистат и складираат свежиот улов.

Освен рибарите и нивните семесјтва таму се и бизнисмените, купци на големо кои со своите мотори слегуваат дури на самата плажа да го откупат свежиот улов и веднаш да го препродадат во рестораните и големите маркети.

Голем љубител сум на морска храна, а ова место е рај за таквите ко мене, свежи школки и лигњи ги исчистија и спремија на скара пред мој очи за долар ипол, толку ефтино за да бидат уште послатки.

Додека вечерав ја гледав најчудната игра, мавање со медузи. 10 момци, сите над 25 години се маваа со медузи се додека не остана само еден не погоден. Медузите содржат некој поблаг вид на отров што при допир со кожата создава пликови кои според изразот на лицата на играчите и извиците кои ги испуштаа мислам дека се премногу болни.

Стана премногу загушливо и патот е со многу кривини што значи тука завршувам.

Жена ги чисти свежу уловените риби и краби на обалата